EVENTOS│FORA VAI FRÍO ➤ El Muelle 1931 Shop (◉‿◉)
FORA VAI FRÍO
Mercadiño de Vinilos • Casetes • Autoedición
Aos xiradiscos:
LA ISLA DEL TESORO
CHÉ GARRIDO
BLUEMOUSE
CHAGO
LCTRCT
Domingo 22 Decembro | 11:00 - 22:00 h
📍 El Muelle Café Bar (Rúa da Senra, 6)
➤ Entrada de balde
Este domingo a partir das 12:00 h estaremos na nosa cafetaría cunha pequena selección das propostas sonoras e gráficas diverxentes que configuran a identidade de El Muelle 1931.
Xuntarémonos para despedir o ano coa selección musical dos picadiscos Bluemouse, @laisladeltesoro @chegarrido @el.chago & @lctrct, ademais doutras moitas sorpresas.
Xunto ao mercadiño de discos e autoedición poderedes atopar unha cubeta con algúns dos nosos discos favoritos que ofertamos polo primeiro aniversario do noso espazo na Rúa de San Pedro... últimas copias en stock!
El Muelle 1931 é unha plataforma vinculada ao negocio familiar que distribúe publicacións tanto de proxectos que nacen na súa contorna máis próxima coma selos independentes e artistas internacionais pouco convencionais.
El Muelle 1931 Shop nace coa intención de achegar a un público máis amplo aquelas creacións que se desenvolven desde as marxes. Un espazo onde conviven proxectos de edición a pequena escala e microeditoriais, pero, sobre todo, que funciona como un punto de encontro para manter a conexión co local e crear redes de apoio entre artistas que autopublican os seus traballos.
*Se estades interesadas en mercar algún disco do noso catálogo podedes reservalo enviando un correo electrónico a info@elmuelle1931.com
*Se coñeces a alguén que poida estar interesada no noso catálogo de insólitas propostas, convidaa a este evento!
Apoia á cultura e os proxectos autoxestionados!