EVENTOS│INAUGURACIÓN DUN BUZÓN ➤ El Muelle 1931 Shop (◉‿◉)
INAUGURACIÓN DUN BUZÓN
シ
O xoves 22 de agosto, ás 20:30, terá lugar en El Muelle 1931 Shop a inauguracion dun buzón, que será tamén a presentación do álbum 'Saudade sempre', de Cibrán. En dezaseis temas, o disco pasa polo pop, o rap, o folk ou o noise, apoiado no uso de samples e na tradición do lo-fi caseiro, cunhas letras que xiran arredor da nostalxia, a vida cotiá ou a amizade.
Editada en cassette por Caracol Negro, Prenom e Interruptor, esta cinta ten a particularidade de que non se obtén a cambio de cartos, senón a cambio de cartas: pódese conseguir de balde enviando unha carta a Cibrán ou deixándoa no buzón que hai instalado na tenda, e que será inaugurado neste evento. O disco, así, propón unha alternativa ás relacións vendedor-cliente para formular un intercambio de impresións ou emocións entre iguais.
Na inauguración falará Mar Catarina (membro de Prenom e ex-traballadora de Correos) e Cibrán tocará cancións de 'Saudade sempre' en acústico acompañado por Xacobe (Monstruo, Esposa, Los Legionarios del Alucine). Ao remate poderase tomar un algo e charlar un anaco.
Cibrán
Xoves 22 Ago | 20:30 h
📍 ElMuelle1931 Shop (Rúa de San Pedro, 57)
*Entrada de balde
Chegade cedo para non quedar sen sitio!
(◉‿◉)
Follow us / Síguenos
Instagram - @elmuelle1931.shop
Facebook - @ElMuelle1931.shop