2024/ GAL
O libro Entre as augas, de Ana Núñez Rodríguez, con deseño de Tono Mejuto e Iván Nespereira, está composto por un conxunto de imaxes que cuestionan ao espectador sobre a dominación do sentido da vista, unha proposta baseada nunha serie de xogos conceptuais con respecto ao visible-non visible, que nos achega a outros modos de entender a percepción.
Esta nova publicación é froito do II Premio Editorial de Fotografía Documental Galega, creado e impulsado por FFoco. Festival de Fotografía da Coruña, co obxectivo de fomentar a creación e produción de fotolibros con vinculación galega.
Ana Núñez Rodríguez
Fotógrafa lucense radicada entre España e Colombia. Ana Núñez Rodríguez estudou Fotografía Documental e Creación Contemporánea en IDEP Barcelona, ten un posgraduado en Fotografía da Universidade Nacional de Colombia e se graduó con honras da Mestría en Fotografía e Sociedade na Real Academia de Belas Artes (KABK) na Haia. Formou parte de Lighthouse 2020-21, un programa para futuros talentos en Fotodok, Utrecht. En 2022 foi seleccionada para unirse a Futures Photography, unha plataforma que promove fotógrafos emerxentes en Europa.
O seu traballo exhibiuse en exposicións colectivas en diferentes países, incluído o Festival PhotoIreland en Dublín, o Festival Circulation(s) en París, entre outros, e tamén de forma individual no Foam Fotografiemuseum en Amsterdam.